ရခိုင်တော်လှန်ရေး နယ်ပယ်တွင် တစ်ကြိမ်တစ်ခါမျှ မလုပ်ဖူးသေးသော သက်ကြီး တော်လှန်ရေး သမားများအား ပူဇော်ပွဲ ပြုလုပ်ရသော ရည်ရွယ်ချက်နှင့် ပတ်သက်ပြီး ရက္ခိတ မျိုးစောင့် အုပ်စု အဖွဲ့ဝင် သက်ကြီးရွယ်အို ပူဇော်ပွဲ ဖြစ်မြောက်ရေး ကော်မီတီ ဒုတိယ အဖွဲ့ ခေါင်းဆောင် ဖြစ်သူ နယ်သာလန်နိုင်ငံမှ ဦးချစ်မောင်က ယခုကဲ့သို့ နိရဉ္စရာသို့ ပြောသည်။
" ကျွန်တော်တို့ ရခိုင်တော်လှန်ရေးသမား သက်ကြီးရွယ်အို ပူဇော်ပွဲလုပ်ရတဲ့ ရည်ရွယ်ချက်က ဒီလူကြီးတွေဟာ သူတို့ရဲ့ ဘ၀တွေ၊ အချိန်တွေကို ရခိုင်ပြည်နဲ့ ရခိုင် လူမျိုး အတွက် ပေးဆပ် ခဲ့ကြပါတယ်။ အခုအခါ အများစု လူကြီးတွေဟာ ပါတီနောက်ခံကလည်း မရှိတော့ဘဲ သူတို့ရဲ့ တ၀မ်းတစ်ခါး အတွက် ဆင်းရဲပင်ပန်းစွာနဲ့ ရုန်းကန် လူပ်ရှားနေကြရတယ်။ အထူးသဖြင့် သူတစ်ပါး တိုင်းပြည်မှာ ခက်ခက်ခဲခဲ ရပ်တည်နေထိုင်နေကြရတယ်။ ဒီလို ဖြစ်ရတာဟာ အများကောင်းကျိုး အတွက် ပေးဆပ်တာကြောင့် ဖြစ်ပါတယ်။ ဒီလို သက်ကြီးရွယ်အိုတွေကို ကျွန်တော်တို့ အနေနဲ့ အသိအမှတ် ပြုပြီး ဂုဏ်ပြု ပူဇော်သင့်တယ်။ အခုအချိန်ဟာ သူတို့အတွက် နောက်ဆုံး အချိန်လည်း ဖြစ်နေတော့ ကျွန်တော်တို့ အဖွဲ့က သူတို့ကို ဂုဏ်ပြု ပူဇော်တာဟာ သူတို့ အတွက်သာ မဟုတ်ဘူး။ တော်လှန်ရေး အတွက်ပါ အရေးကြီးတယ်လို ယုံကြည်တဲ့ အတွက် ခုလို အခမ်းအနား အစီအစဉ်မျိုးကို ပြုလုပ်ရတာ ဖြစ်ပါတယ်။ ဒ့ါအပြင် နောင် မျိုးဆက်သစ်လူငယ်တွေ အတွက်လည်း တော်လှန်ရေး အတွက် စွန့်လွှတ် အနစ်နာခံလိုတဲ့ စိတ်ဓါတ်တွေ တိုးပွားလာရေးကို ရည်ရွယ်ပါတယ်” ဟု ပြောသည်။
ရက္ခိတ မျိုးစောင့် အုပ်စုမှ ယခု ပြုလုပ်သော ဂုဏ်ပြု ပူဇော်ပွဲတွင် ရခိုင်အမျိုးသားရေး အတွက် တော်လှန်တိုက်ပွဲဝင်ခဲ့သူ သက်ကြီး ရွယ်အိုများကိုသာမက အတန်းအစားရေး အတွက် တိုက်ပွဲ ၀င်ခဲ့ကြသော ဗမာပြည် ကွန်မြူနစ်ပါတီနှင့် အလံနီ ပါတီမှ အဖွဲ့ဝင်ဖြစ်ခဲ့သူ လူကြီးများကိုလည်း ဂုဏ်ပြု ပူဇော်ခဲ့ကြသည်။ ပူဇော်ပွဲအတွက် နိုင်ငံတကာရောက် ရခိုင်အမျိုးသားများကပါ ပူးပေါင်း ပါဝင်ခဲ့ကြသဖြင့် အမေရိကန်ဒေါ်လာ သောင်းချီပြီး ချီးမြှင့် ပူဇော်နိုင်ခဲ့ကြသည်။
" ကျွန်တော်တို့က ပထမပိုင်းမှာ ရက္ခိတ မျိုးစောင့် အုပ်စုကဘဲ ကမကထပြုပြီး နိုင်သလောက် လုပ်သွား မယ်ဆိုပြီး စီစဉ်ခဲ့ပါတယ်။ နောက်ပိုင်းမှာ ကျွန်တော်တို့ ဆွေးနွေးတာက ဒီလို သက်ကြီး ရွယ်အို တွေကို ဂုဏ်ပြု ပူဇော်တာဟာ ကောင်းတဲ့ အလုပ်၊ လူ့သာဓု နတ်သာဓု ခေါ်တဲ့ အလုပ် ဖြစ်တဲ့ အပြင် ရခိုင်တမျိုးသားလုံးနဲ့ ဆိုင်တဲ့ကိစ္စဖြစ်တဲ့ အတွက် တဖွဲ့တည်း လုပ်တာထက် ရခိုင်တစ်မျိုးသားလုံး ပူးပေါင်း လုပ်တာက ပိုအကျိုးရှိတယ်လို့ မြင်ကြတဲ့ အတွက် နိုင်ငံတကာ ရောက် ရခိုင် အမျိုးသားတွေကိုပါ ဖိတ်ခေါ် ကမ်းလှမ်းခဲ့ပါတယ်။ ကျွန်တော်တို့ ဖိတ်ခေါ်တဲ့ အပေါ်မှာလည်း နိုင်ငံ တကာရောက် ရခိုင်အမျိုးသားတွေကလည်း အမျိုးသားရေး အသိနဲ့ တက်တက်ကြွကြွ ပူးပေါင်း ပါဝင်ခဲ့ကြပါတယ်။ ခုလို ပူးပေါင်းပါဝင်လာတာကို တွေ့ရတဲ့အတွက် ကျွန်တော်တို့ အတိုင်း မသိ ၀မ်းသာ ဂုဏ်ယူမိပါတယ်" ဟု ဦးချစ်မောင်က ပြောသည်။
သက်ကြီး ပူဇော်ပွဲတွင် ကိုယ်တိုင် တက်ရောက်ပြီး ပူဇော်ကန်တော့ခံခဲ့သူ ရခိုင်ပြည် ကွန်မြူနစ် ပါတီ ဥက္ကဌဟောင်း ဦးမောင်ဟန်ကလည်း ယခု ပြုလုပ်သော ဂုဏ်ပြု ပူဇော်ပွဲနှင့် ပတ်သက်ပြီး သူ့ခံစားမူကို ယခုလို နိရဉ္စရာသို့ ပြောသည်။
" ကျွန်တော်က နမိုးနီးယား ၀င်နေတဲ့ အတွက် စကားတော့ ရှည်ရှည်ဝေးဝေး မပြောချင်ပါဘူး။ ဒါပေမယ့် ခုလို စီစဉ်ပေးတဲ့ ရက္ခိတ အဖွဲကိုရော၊ နိုင်ငံတကာရောက် ရခိုင်အမျိုးသားတွေကိုရော၊ ဘင်္ဂလာဒေခ်ျ့မှာ အခုလို အခမ်းအနားမျိုး ဖြစ်အောင် စီစဉ် ပေးကြတဲ့ ဦးကျော်မင်း၊ ခိုင်အာဏာနီစတဲ့ ပုဂ္ဂိုလ်တွေကိုရော အထူး ကျေးဇူးတင်ကြောင်း ပြောကြား လိုပါတယ်။ အခုလို ဂုဏ်ပြု ပူဇော်တာကို ကျွန်တော်ရဲ့ ဘ၀ တသက်တာမှာ တစ်ကြိမ်တစ်ခါမှ မခံစားဖူးခဲ့ရတဲ့ အတွက် အခုလို ဂုဏ်ပြု ပူဇော်ကြတဲ့ အပေါ်မှာ အထူး ၀မ်းမြောက် မိပါတယ်။ ဒီလို အသိအမှတ်ပြုခံရတဲ့ အတွက်လည်း တော်လှန်ရေး လုပ်ရကျိုးနပ်တယ်လို့ ပြောကြားချင်ပါတယ်" ဟု ပြောသည်။
ဘင်္ဂလားဒေ့ခ်ျနိုင်ငံ ကော့စ်ဘဇားမြို့တွင် ပြုလုပ်သော သက်ကြီး ပူဇော်ပွဲတွင် တော်လှန်ရေး လုပ်ရင်း အသက် အရွယ်ကြီးရင့်သွားခဲ့ကြသူများနှင့် ကိုယ်လက် အင်္ဂါ မသန်မစွမ်းဖြစ်သွားသူ ပုဂ္ဂိုလ် ၅၀ ကျော်ကို ပူဇော်ကန်တောခဲ့ကြသည်။
ဘင်္ဂလာဒေခ်ျ့နိုင်ငံ တော်လှန်ရေးသမား သက်ကြီး ပူဇော် ပွဲဖြစ်မြောက်ရေးကော်မီတီ ဥက္ကဌ ဦးကျော်မင်းကလည်း ယခုကဲ့သို့ ပူဇော်ပွဲ ပြုလုပ်ရခြင်းနှင့် ပတ်သက်ပြီး သူ့အမြင်ကို ယခုလို ပြောသည်။
" အခု လုပ်ရပ်ဟာ သမိုင်းစာမျက်နှာ သစ် တစ်ခုကို ဖွင့်လှစ်တာဖြစ်သလို အစဉ်အလာ မရှိခဲ့တဲ့ အလုပ် တစ်ခု ကို ခုလို ပြုလုပ်လိုက်တဲ့ အတွက် အထူး ၀မ်းသာစရာ ကောင်းပါတယ်။ တော်လှန်ရေးသမား သက်ကြီး ရွယ်အိုတွေကို အခုလို အသိအမှတ်ပြုလိုက်တဲ့ အတွက် နောင်လာ နောင်သား တွေအတွက်လည်း အနာဂတ်မှာ ပူဇော်သင့်သူကို ပူဇော်ရမယ်ဆိုတာကို နားလည် သဘောပေါက်သွားကြမှာ ဖြစ်ပါတယ်။ ဒီလုပ်ရပ်ကနေ ရခိုင်ပြည်သူတွေ အတွက် တစ်စုံ တစ်ရာ ရှေ့ကို တက်လှမ်းပြီး လုပ်နိုင်လိမ့်မယ်လို့ မျှော်လင့်တယ်" ဟု ပြောသည်။
ကော့စ်ဘဇားမြို့တွင် ပြုလုပ်သော ပူဇော်ကန်တော့ပွဲသို့ အသက် ၆၀ ကျော် အရွယ် သက်ကြီး ၆၃ ဦးကို ဖိတ်ကြားထားသော်လည်း အခြေအနေ အရပ်ရပ်ကြောင့် ၅၀ ဦး တက်ရောက်ပူဇော်ခံနိုင်ခဲ့ပြီး လူကြီး တစ်ဦးကို တာကာငွေ ၁၄၀၀၀ (ကျပ်ငွေ တစ်သိန်း လေးသောင်းခန့်)စီ ချီးမြှင့်ခဲ့ကြကြောင်း သိရသည်။ အဆိုပါ အခမ်းအနားတွင် တော်လှန်ရေး လုပ်ရင်း မသန်မစွမ်း ဖြစ်ခဲ့ကြသူများကိုလည်း ချီးမြှင့် ဂုဏ်ပြုမူများ ပြုလုပ်ခဲ့ပြီး ဘင်္ဂလားဒေ့ခ်ျနိုင်ငံ ခခါရာဆိုးရီးမြို့နယ်မှ လူမျိုးခြားများ၏ လက်ချက်ဖြင့် ဖျက်စီးခံလိုက်ရသော ဘုန်းကြီး ကျောင်းများ အတွက်လည်း ထောက်ပံ့ငွေများ ပေးအပ် လှူးဒါန်းခဲ့ကြသည်။
( နိရဉ္စရာသတင်း-မှ)
(တော်လှန်ရေး သမား ရခိုင်ပြည် ကွန်မြူနစ် ပါတီ ဥက္ကဌဟောင်း ဦးမောင်ဟန်အိုမင်းမစွမ်းဘ၀) 
ဘင်္ဂလီ မူဆလင်တွေရဲ.ဖိုဖျက်ခံပြီးနောက် တွေ့မြင်ရသော မြစ်နားရွာသံဖြူကျောင်း(In Bangladelish) နှင့် တော်လှန်ရေး သမား ရခိုင်ပြည် ကွန်မြူနစ် ပါတီ ဥက္ကဌဟောင်း ဦးမောင်ဟန်အိုမင်းမစွမ်းဘ၀
No comments:
Post a Comment